【轮证赢家】 SlowSTC+14RSI见反弹

娱乐新闻 725浏览 26评论 来源:申博官网备用网址_金沙6119
【轮证赢家】 SlowSTC+14RSI见反弹放大图片

噚日只恒指熊(56316)即开即食,都叫做有1X%赚幅。走完一转之后贪心鬼心思思想走多转,但见时间关係,有九成九机会要过夜,朕都真係唔太锺意;更重要嘅係见到恒指5分钟图,条SlowSTC(14,3)喺收市前半个钟都处于超卖同中轴之间上落,对于入熊证,仲要过夜嚟讲绝对唔係一个靓位,所以索性收工就算。

今朝开电视睇新闻,顺便睇埋右下角报亚股嘅数,见到日经升过百点,估计今朝恒指都未必会点走样,应该上得返26000点楼上。最后喺巴士返公司路程中,开app睇恒指升130点,开市报26075点。依家9点56分,恒指暂时最高见过26099点,现价报26061点,升116点。

日线图上见恒指仍处于保历加下降通道,按中轴(26482点)同底部(25472点)嘅中间位25977点嚟量度嘅话,以头先mark恒指嗰口价(即26016点)计,两者只係相差39点;而事实上本身成条保历加通道愈嚟愈窄,事关你见到保历加通道口都慢慢收窄中,反映后市再走动嘅空间会相对较细。

更令人alert嘅一件事就係,日线图上SlowSTC(14,3)%K线低位升穿%D线,同步连14RSI都翘返个头上去,明白今日一小弹但见下方呢两只技术指标转势,係未有足够嘅信心去令人信服,但似乎好似想讲:好啦,唔好Put住啦,Put够啦,个市要抖一抖啦。

不过,喺恒指牛熊证街货图上又唔係咁讲,下方牛证最贴价係25900至25999点,呢度有相当于213张期指,数量唔多但胜在同现价近,若然比多100点向下行,即落到25800至25899点嘅话,呢一层有就相当于836张期指,咁样两层加埋都过千张期指架。至于上方熊证最贴价就係26700至26799点,呢度有相当于677张期指,以各自最贴价嘅一层嚟讲佢係多,但远嘛,按依家10点8分恒指做紧26045点计,要上到呢层贴价熊嘅门口讲紧要由现价再升多655点先到,要食晒就再比多99点啦。咁辛苦嘅事大户真係会做咩?

其实过往都出现过街货同技术分析角力嘅情况,根据过往观察,通常都係街货胜,无他嘅,我估对行嚟讲,杀街货比起技术分析「灵验」更实际;所以用返一个实际情况嚟讲,呢啲时候通常都係唔会出手,因为disclaimer都有讲「过往业绩并不代表将来表现」嘛。

今日下昼要开一个长达两个钟咁上下嘅会,所以【轮证下半Part】要暂停一日;明早嘅【轮证赢家】会仍然交稿,如有不便请见谅呀。

作者阿珊,任财经/投资版传媒人十几年,《钟摆战略赢港股》作者。用技术分析专心玩轮证,唔贪心,志在搵餐下午茶。

电邮:[email protected];FB:轮证赢家

与本文相关的文章